ಕಾರಟಗಿ : ಮಕ್ಕಳಿಗೆ ವಿದ್ಯೆ ಎಲ್ಲರೂ ಕಲಿಸುತ್ತಾರೆ ಪ್ರಮುಖವಾಗಿ ಪಾಲಕರು ಪೋಷಕರು ಶಾಲಾ ಶಿಕ್ಷಕರು ಸಂಸ್ಕಾರವನ್ನು ಕಲಿಸಬೇಕು. ವ್ಯವಹಾರಕ್ಕೆ ಆಂಗ್ಲಭಾಷೆಯನ್ನು ಬಳಸಿ, ಮಾತೃಭಾಷೆ ಕನ್ನಡವನ್ನು ಬೆಳೆಸಿ ಎಂದು ಚಲನಚಿತ್ರ ಹಿರಿಯ ನಟ ದೊಡ್ಡಣ್ಣ ಅವರು ಹೇಳಿದರು.
ಪಟ್ಟಣದ ಪ್ರತಿಷ್ಠಿತ ವಿದ್ಯಾ ಸಂಸ್ಥೆಗಳಲ್ಲೊಂದಾದ ಶ್ರೀ ಶಾರದಾ ಇಂಟರ್ನ್ಯಾಷನಲ್ ಶಾಲೆಯ ಎರಡನೇ ವರ್ಷದ ವಾರ್ಷಿಕೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.
ಮಕ್ಕಳ ಕೈಗೆ ಮೊಬೈಲ್ ನೀಡಬೇಡಿ, ಜ್ಞಾನವನ್ನು ತುಂಬುವ ಸಂಸ್ಕಾರವನ್ನು ಬೆಳೆಸುವ ಹಿರಿಯರಿಗೆ ಗೌರವಿಸುವ ಪುಸ್ತಕವನ್ನು ನೀಡಿ ಮಕ್ಕಳನ್ನು ಸಂಸ್ಕೃತ ರನ್ನಾಗಿ ಮಾಡಿ ಎಂದರು.
ಪ್ರಪಂಚದಲ್ಲಿಯೇ ಇತಿಹಾಸವನ್ನು ಹೊಂದಿರುವ ಏಕೈಕ ಭಾಷೆ ಕನ್ನಡವಾಗಿದೆ. ಕನ್ನಡವನ್ನು ಕಲಿಯಬೇಕು ಕಲಿಸಬೇಕು, ಬೆಳೆಸಬೇಕು. ಕನ್ನಡವೇ ಸತ್ಯ ಕನ್ನಡವೇ ನಿತ್ಯ, ಶಿಕ್ಷಣ ಸಂಸ್ಥೆಯು ಜ್ಞಾನವನ್ನು ತುಂಬುವ ಮೂಲಕ ವಿದ್ಯಾರ್ಥಿಗಳಲ್ಲಿ ಆತ್ಮಸ್ಥೈರವನ್ನು ತುಂಬುತ್ತಿದೆ ವಿದ್ಯಾಸಂಸ್ಥೆಗೂ ಮುದ್ದು ಮಕ್ಕಳಿಗೂ ಆ ದೇವರು ಒಳ್ಳೆಯದನ್ನು ಕರುಣಿಸಲಿ ಇನ್ನೂ ದೊಡ್ಡ ಮಟ್ಟಕ್ಕೆ ಸಂಸ್ಥೆಯನ್ನು ಕೊಂಡೊಯ್ಯಲಿ ಎಂದರು.
ಅಂಕಲಿಮಠದ ಮಹಾಶರಣ ವೀರಭದ್ರೇಶ್ವರ ಸ್ವಾಮಿಗಳು ಮಾತನಾಡಿ ವಿದ್ಯಾ ಸಂಸ್ಥೆ ವಿಧಿಯನ್ನು ನೀಡಿದರೆ ತಂದೆ-ತಾಯಿಗಳಾದ ತಾವು ಮಕ್ಕಳಲ್ಲಿ ಉತ್ತಮ ಸಂಸ್ಕಾರವನ್ನು ಹಿರಿಯರಿಗೆ ಗೌರವಿಸುವ ಗುಣವನ್ನು ಭಕ್ತಿ ಮತ್ತು ಶ್ರದ್ಧೆಯನ್ನು ಕಲಿಸಬೇಕಿದೆ. ಮಮ್ಮಿ ಡ್ಯಾಡಿ ಎನ್ನುವ ಪರಿಸ್ಥಿತಿಯಲ್ಲಿ ಅಪ್ಪ ಅವ್ವ ಎನ್ನುವ ಪದಗಳು ಮರೆಯಾಗುತ್ತಿವೆ. ಹಿರಿಯರಿಂದ ದೊರಿತ ಸಂಸ್ಕೃತಿ ಸಂಸ್ಕಾರ ಮಕ್ಕಳಲ್ಲೂ ಕಲಿಸುವುದು ಪಾಲಕರಿಗೆ ಅಗತ್ಯವಾಗಿದೆ. ಕನ್ನಡ ಭಾಷೆ ಸುಂದರವಾದ ಕೇಳಲು ಮಾತನಾಡಲು ಇಂಪಾದ ಪದಗಳನ್ನು ಹೊಂದಿದ ಏಕೈಕ ಭಾಷೆ. ಕಾವೇರಿಯಿಂದ ಗೋದಾವರಿ ವರೆಗೂ ವಿಶಾಲವಾದ ಪ್ರಾಂತ್ಯವನ್ನು ಹೊಂದಿದೆ. ಅನ್ಯ ಭಾಷೆಗಳು ವ್ಯವಹಾರಕ್ಯಾದರೆ ತಾಯಿ ಭಾಷೆ ಶಾಶ್ವತವಾಗಿರುತ್ತದೆ ಎಂದು ಹಿತ ನುಡಿಗಳ ನುಡಿದರು.
ಈ ಸಂದರ್ಭದಲ್ಲಿ ಶ್ರೀ ಶಾರದಾ ಇಂಟರ್ನ್ಯಾಷನಲ್ ವಿದ್ಯಾಸಂಸ್ಥೆಯ ಅಧ್ಯಕ್ಷರಾದ ಶಾರದಾ ಮಲ್ಲಿಕಾರ್ಜುನ, ಕಾರ್ಯದರ್ಶಿ ಮಲ್ಲಿಕಾರ್ಜುನ ತೊಂಡಿಹಾಳ, ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶರಣಪ್ಪ ಉಪ್ಪನಾಳ, ಉಪಾಧ್ಯಕ್ಷರಾದ ಪ್ರಬಣ್ಣ ಉಪ್ಪನಾಳ, ಮುಖಂಡರಾದ ಶಿವರೆಡ್ಡಿ ನಾಯಕ, ಬಸವರಾಜ ಪಗಡದಿನ್ನಿ, ಬಸವರಾಜ ನೀರಗಂಟಿ, ಅಮರೇಶ ಕುಳಗಿ, ಶಿವಶರಣೇಗೌಡ, ಬಾಪುಗೌಡ, ಗಂಗಾಧರಗೌಡ, ಶರಣಪ್ಪ ಪರ್ಕಿ, ಪಾಲಾಕ್ಷಪ್ಪ ಕೆಂಡದ್, ಪಾಲಕ ಪೋಷಕರು, ವಿದ್ಯಾರ್ಥಿಗಳು, ಸಂಸ್ಥೆಯ ಆಡಳಿತ ಮಂಡಳಿ, ಶಿಕ್ಷಕ ವರ್ಗ, ವಾಹನ ಚಾಲಕರು, ಸಿಬ್ಬಂದಿ ವರ್ಗ ಇದ್ದರು.
